• २०७७ कार्तिक ११ गते मङ्गलवार

नेपालको नयाँ नक्सा सार्वजनिक

Author Logo..
अनलाइन राप्ती २०७७ जेष्ठ ७ गते बुधवार

काठमाडौं, ७ जेठ : सरकारले बुधवार लिम्पियाधुरा ,लिपुलेक सहितको नयाँ नक्सा सार्वाजनिक गरेको छ । भूमि, व्यवस्था, सहकारी तथा गरिबी निवारण मन्त्री पद्मा अर्यालले मन्त्रालयमा नक्सा सार्वाजनिक गरिन् । यो भन्दा पहिलाको नक्सामा यी भुभागहरुलाई नसमेटीएको हुनाले अहिले यी भुभागहरुलाई समेटर नयाँ नक्सा सार्वजनिक गरीएको हो ।

जेठ ५ गते मन्त्रिपरिषद् बैठकले स्वीकृत गरेको नक्सा मन्त्री अर्यालले सार्वजनिक गरिन् । नयाँ नक्सामा लिम्पियाधुरा, लिपुलेक र कालापानीसँगै गुञ्जी, नाबी र गुटी लगायतका क्षेत्रपनि समेटिएको उनले बताईन् ।
राष्ट्रियता र सम्प्रभुताको रक्षाका लागि नेपाल सरकार प्रतिवद्ध रहेको उल्लेख गर्दै मन्त्री अर्यालले नेपालको सो कदमलाई भारतले पनि सकारात्मक रुपमा लिने विश्वास व्यक्त गरिन् । नेपालसँग उपलब्ध प्रमाण र तथ्यले देखाएको बाटोमा सधै अगाडी बढ्ने उनले बताईन् ।

नेपालको सम्पूर्ण भूमि समेटिएको नक्सा सार्वजनिक हुनु सिंगो नेपालीहरुका लागि ऐतिहासिक सुखद क्षण भएको समेत उनले बताईन् ।

नक्सा सार्वजनिक कार्यक्रममा मन्त्री अर्यालले नयाँ नक्सा सार्वजनिक भएपछि विश्वमा नेपालको मानचित्र, नेपालीको मान र नेपालीको मन बदलिएको समेत उनको भनाई थियो ।

सार्वजनिक गरिएको राजनीतिक तथा प्रशासनिक नक्सामा ७ सय ५३ वटा स्थानीय तह, सातवटा प्रदेश र अन्तर्राष्ट्रिय सीमानाहरु पनि समेटिएका छन् । सरकारले नेपाल र नेपालीको सिर झुक्न नदिने उल्लेख गर्दै नक्सा प्रयोग हुने सम्पूर्ण सरकारी दस्तावेज र पाठ्यपुस्तकमा नयाँ नक्सा प्रयोग गर्न पनि मन्त्री अर्यालले आग्रह गरेकी छन् ।

प्रतिक्रिया दिनुहोस
संबन्धित समाचार