बंगलाचुली १० बैशाख : दाङको बंगलाचुली गाउँपालिकाले एक जनालाई बुधबार आईसुलेसनका लागि रेफर गरेको छ । बंगलाचुली ४ झुलिडाँडामा रहेको क्वारेन्टाईनमा रहेका बंगलाचुली गाउँपालिका ३ तापा घर भएका २५ वर्षका युवालाई रेफर गरेको हो ।
उनलाई राप्ति स्वास्थ्य विज्ञान प्रतिष्ठानमा रेफर गरेको बंगलाचुली गाउँपालिका स्वास्थ्य शाखा प्रमुख भक्त बहादुर जिसीले जानकारी दिए। उनलाई मंगलवार क्वारेन्टाईनमा राखिएको थियो ।
त्यसैगरी झुलिडाँडा क्वारेन्टाईनमा बुधबार एक जना थप भएका छन् । बंगलाचुली गाउँपालिका ६ रिभान घर भई चितवनको नारायणगढ बाट आएका ४५ वर्षिय पुरुषलाई क्वारेन्टाईनमा राखिएको हो ।
यो संगै बंगलाचुली गाउँपालिकाको क्वारेन्टाईनमा बस्नेहरुको संख्या ७ जना रहेको छ । भने एक जनालाई रेफर गरिएको छ । गाउँपालिकाले यस अघि ७ जनालाई क्वारेन्टाईनबाट घर पठाई सकेको छ ।
अनलाइन राप्तिको युटुब च्यानल (Online Rapti) सब्सक्राइब गर्नुहोस् । हामी वास्तवीक, जानकारीमूलक र रोचक भिडियोहरु राख्ने गर्छौ ।
प्रतिक्रिया दिनुहोस
