श्रीमतिले श्रीमानको टाउकोमा चिर्पट प्रहार गरी हत्या

दाङ, प्युठानको मर्कावाङमा श्रीमतिले श्रीमानको हत्या गरेकी छन् । माण्डवी गाउँपालिका २ मर्कावाङमा ४० वर्षीय गुमानसिंह अधिकारीकी ३५ वर्षीया श्रीमति निशाले चिर्पटले हानेर हत्या गरेकी प्रहरीले जनाएको छ ।
दाङको बगंलाचुली गाउँपालिका ५ स्थित माइतीघर बस्दै आएकी श्रीमतिलाई लिन जाँदा दुवैबीच सामान्य घरायसी विवाद भई श्रीमतिले दाउराको चिर्पटले श्रीमानको टाउकामा प्रहार गरेको प्रहरीले बताएको छ ।
श्रीमतीको प्रहारबाट गम्भीर घाइते अधिकारीको उपचारका क्रममा शुक्रवार कोहलपुर मेडिकल कलेज बाँकेमा मृत्यु भएको जिल्ला प्रहरी कार्यालय दाङले जनाएको छ ।
भाउज्यू र उनका बाबुले मिलेर दाइको हत्या गरेको आरोप मृतकका भाई हेमराज अधिकारले लगाएका छन् । श्रीमतीले आफूले चिर्पटले प्रहार गरेको स्वीकारेको र हत्यामा अन्य व्यक्तिको संलग्नता भएन भएको अनुसन्धान शुरु भएको जिल्ला प्रहरी कार्यालय दाङ प्रबक्ता एवं डिएसपी सुमित खड्काले जानकारी दिए ।