• २०७७ फाल्गुन २२ गते शनिवार

तुलसीपुर उपमहानरमा श्रम बैकको स्थापना

Author Logo..
अनलाइन राप्ती २०७७ बैशाख १० गते बुधवार


तुलसीपुर, दाङको तुलसीपुर उपमहानरपालिकाले दोस्रो चरणमा राहत वितरण गर्नको लागी श्रम बैकको स्थापना गरेको छ । लकडाउन (बन्दाबन्दी) भैरहेको बेला पहिलो चरणमा १९ वटै वडाका ७ हजार ६५० घरपरिवालाई राहत वितरण गरेको उपमहानगरपालिकाले जनाएको छ ।

मंगलवार कार्यपालिकाको ८४ औं बैठकले दोस्रो चरणमा राहत लिनेलाई अब श्रममा लगाउने निर्णय गरेको हो । राहत लिनेलाई श्रममा लगाउने गरी श्रम बैक स्थापना गर्ने निर्णय कार्यपालिकाले गरेको उपमहानरका प्रबक्ता श्याम डाँगीले बताए ।

पहिलो चरणमा उपमहानरभित्रका साढे ७ हजार बढिलाई राहत बितरण गरेको र अब दोस्रो चरणको राहतमा बितरणमा यस्तो नयाँ तरिका अपनाएको उनले बताए । पहिलो चरणमा राहत बितरण गर्दा केही लक्षित बर्ग र केही अन्य बर्गमा पुगेको भन्ने विभिन्न टिका टिप्पणी भएपछि त्यस्तो कार्य नदोरियोस् भनेर यस्तो निर्णय गरेको उनले बताए ।

उपमहानरपालिका भित्र दैनिक ज्याला मजदुर गर्ने परिवारहरुले श्रममा लगाउँदा उनीहरुले काम र माम पाउने समेत प्रबक्ता डाँगीले उनले बताए । ‘अहिले लकडाउनका कारण त्यस्ता बर्गहरुले काम पाएका छैन्’ उनले भने ,‘ काम नपाउँदा भोकै मर्न नपरोस् र लक्षित बर्गलाई मात्र राहत पुगोस् भन्ने उदेश्यले श्रममा लगाउने निर्णय हो ।

’ विपन्न बर्गलाई राहत दिने र सो बाफत वडाका विभिन्न विकासका काममा लगाउने गरी राहतको काम अगाडि बढाउने भएको प्रबक्ता डाँगीले बताए । उनीहरुले काम गर्दछन्, त्यहि काम बापत खाद्यान्न पाउँने छन् , यदि उपमहानगरले अहिले काम दिन नसकेमा उनीहरुलाई पछि काममा लगाउने गरी राहत दिने समेत उनले बताए ।

श्रम बैकलाई सञ्चालन गर्नका लागि वडाध्यक्षको संयोजकत्वमा वडा वडामा श्रम समिति बनाइने छ । यस्तो समितिले कामसँगै खाद्यान्न पनि उपलब्ध गराउने छ ।

‘जनता भौकै पनि नरहुन् र काम पनि पाउन् भन्नका लागि यस्तो योजना अगाडि बढाइएको हो ’ उनले भने । ‘असक्त, ज्येष्ठ नागरिक लगाएतकालाई भने राहतका लागि श्रम बैकमा काम गर्नुपर्ने छैन्’ उनले भने । बाहिरबाट फर्किएका श्रमिकहरुलाई काममा लगाउनका लागि पनि यस्तो निर्णय गरिएको हो ।

प्रतिक्रिया दिनुहोस
संबन्धित समाचार