• २०७७ मङ्सिर ११ गते बिहिवार

वीरगञ्जमा ३ जना भारतीय नागरिकमा कोरोना संक्रमण

Author Logo..
अनलाइन राप्ती २०७६ चैत्र ३० गते आइतवार

काठमाडौं, ३० चैत : नेपालमा थप ३ जनामा कोरोना सक्रमणको पुष्टि भएको छ। वीरगञ्जमा उपचाररत ३ जनामा कोरोनाको पुष्टि भएको स्वास्थ्य मन्त्रालय स्रोतको भनाइ छ । लगातार ७ औं दिनसम्म संक्रमण नदेखिएकोमा आठौं दिनमा नयाँ तीन व्यक्तिमा संक्रमणको पुष्टि भएको हो। यो सँगै नेपालमा संक्रमितको संख्या १२ पुगेको छ। संक्रमितहरु धर्मगुरु रहेको बुझिएको छ।

तीनै जना भारतीय नागरिक रहेको बताइएको छ। उनीहरु मध्ये २ जना उत्तर प्रदेशका र एक जना दिल्लीका भएको मन्त्रालय स्रोतले बताएको छ। हेटौंडामा परीक्षण गरिएको तीन वटा नमुनामा पोजेटिभ देखिएपछि थप परीक्षणका लागि राष्ट्रिय जनस्वास्थ्य प्रयोगशाला पठाइएकोमा रिपोर्ट पोजेटिभ आएको हो।

हेटौंडा–१० स्थित किटजन्य रोग अनुसन्धान तालिम केन्द्रमा शुक्रबार ३५ जनाको कोरोना परीक्षण गरिएको थियो। त्यसमध्ये तीन जनाको नतिजा भने पोजेटिभ हो वा होइन भन्ने छुट्याउन नसकेपछि थप निर्क्यौलका लागि नमुनालाई काठमाडौं टेकु स्थित राष्ट्रिय जनस्वास्थ्य प्रयोगशालामा पठाइएको थियो।

काठमाडौंमा परिक्षण पछि पनि उहाँहरुलाई कोरोना पोजेटिभ भएको पुष्टि भएको हो। यसअघि संक्रमण देखिएका ९ जनामध्य १ जना उपचारपछि घर फर्किएका छन् भने ८ जना विभिन्न अस्पतालमा उपचाररत छन्।

प्रतिक्रिया दिनुहोस
संबन्धित समाचार