• २०७७ कार्तिक ४ गते मङ्गलवार

तुलसीपु्रका विभिन्न ठाउँमा भाइरसनासक औषधी छर्कन शुरु

Author Logo..
अनलाइन राप्ती २०७६ चैत्र २३ गते आइतवार


तुलसीपुर, तुलसीपुर उपमहानरपालिकाले कोरोना भाइरसलाई बच्नको लागी उपमहानगरपालिकाले विभिन्न ठाउँमा भाइरसनासक औषधी छर्केको छ । कोरोना भाइरसको संक्रमण कम गर्नका लागि उपमहानगरपालिकाले पहिलो चरणमा बढि भिडभाड हुने क्षेत्रमा औषधी छर्किरहेको नगरप्रवक्ता सुर्यवहादुर डाँगीले बताए ।

आइतवार तुलसीपुर स्थीत तरकारी बजार, राप्ती प्रादेशिक अस्पताल लगाएतका ठाउँमा औषधी छर्केको उनले बताए । त्यसैगरी बसपार्क, मासु बजार लगाएत अन्य ठाउँमा पनि छर्किने उनले बताए । रोटरी क्लव र रोट्रयाक्ट क्लव अफ तुलसीपुर सिटीको व्यवस्थानमा उपमहानगरपालिकाले औषधी छर्कने काम गरेको हो ।


मानिसको बाक्लो बस्ती भएको र जमघट हुने बढि सम्भावना रहेका सबै क्षेत्रमा औषधी छर्कने रोट्रयाक्ट क्लव अफ तुलसीपुर सिटीका अध्यक्ष नविन राइले बताए । क्लवको तर्फबाट औषधिको व्यवस्था गरिएको उनको भनाई छ ।

यता व्यवसायीहरुको संस्था तुलसीपुर उद्योग वाणिज्य संघले तुलसीपुर उपमहानगरपालिकाको कोरोना विपद कोषमा सहयोग गरेको छ । संघको तर्फबाट अध्यक्ष विरवहादुर रावत विरुले उपमहानगरपालिकालाई नगद र जिन्सी गरेर ५ लाख, ५५ हजार ५ सय ५५ सहयोग गरे ।
उपमहानगरपालिकाले थालेको अभियानमा सहयोग गर्नु व्यवसायीहरुको दायित्व र कर्तव्य भएको भन्दै सहयोग गरिएको उनले बताए ।


संघका तर्फबाट नगदका साथै क्वारेन्टाइनका लागि वेड, तेल,सावुन लगायतको सहयोग गरिएको महासचिव उहाँले बताए । त्यसैगरी आपतको समयमा सहयोग गर्नका लागि नगरप्रमुख पाण्डेले सबैलाई आव्ह्वान समेत गरेका छन् ।

प्रतिक्रिया दिनुहोस
संबन्धित समाचार