• २०७७ मङ्सिर ११ गते बिहिवार

लकडाउन पुर्णरुपमा कार्यान्वयनगर्न दाङ प्रसाशनको आग्रह

Author Logo..
अनलाइन राप्ती २०७६ चैत्र २२ गते शनिवार


शरद रेग्मी
तुलसीपुर,
बिश्वब्यापी महामारीकोरुपमा फैलिएको कोरोना भाईरस (कोभिड १९) नियन्त्रण गर्न सरकार लागि परेको सन्दर्भमा स्थानीय प्रसासनले पनि कडाइका गर्न थालेको छ । जिल्ला प्रसासन कार्यालय दाङले दाङका सबै शहरहरुमा लकडाउन पुर्णरुपमा कार्यान्वयन गराउन सबै प्रहरी युनिटहरुलाई परिचालन गरिसकेको छ ।
बिहान र साझ ५ बजेपछि पनि कसैलाई घरबाट बाहिर ननिस्कन पुनः अपिल गरेको छ । स्थानीय स्तरमा खाद्यान्नका पसलहरु समेत पुर्णरुपमा बन्द गर्न आब्हान गरेको छ ।
नागरिकको स्वास्थ सुरक्षालाई मध्यनजर गर्दै अति आबश्यक भन्दा अरु काममा घर बाहिर निस्कन रोक लगाएको प्रमुख जिल्ला अधिकारी गोबिन्द प्रसाद रिजालले जानकारी दिए ।


हामीले जिल्लाबासीको सुरक्षालाई मध्यनजर गर्दै उच्च सतर्कता अपनाउन सबै तह र तप्कालाई परिचालन गरिरहेका छौ, उनले भने,‘ तर प्रसासनलाई नागरिकले घरभित्र बसेर सहयोग गर्नु पर्यो । कोरोना नियन्त्रण गर्ने अभियानमा आजसम्म सबैको भुमिका महत्वपूर्ण छ, तर भोलि आउन सक्ने भयावह परिस्थितिलाई पनि हाीले समयमै आकलन गर्नुपर्छ । ’
लकडाउन लागु भएको ११ औं दिन सम्म पनि नागरिकहरु साझ र बिहानको समयमा घरबाहिर आवत जावत गर्ने काम नरोकिएको व्यापक जनगुणासो बढेपछि स्थानीय प्रसासनले जिल्लाको घोराहि,तुलसीपुर,लमही , भालुबाङ र गाउँमा पनि नागरिकलाई आवत जावत र हिडडुल गर्न पुर्णरुपमा रोक लगाईएको प्रशासनले जनाएको छ ।
स्थानीय प्रसाशनको अनुमति बिना लकडाउन उल्लङ्घन गर्ने जोकोहि नागरिकलाई पनि स्थानीय प्रसाशनले कानुन अनुसार कार्बा्हि गर्ने पनि बताईएको छ ।
लकडाउन पुर्णरुपमा कार्यान्वयन गराउन खाद्यान्न,तरकारी ,डेरि पसल समेत पुर्णतः बन्द गर्न सबैलाई आब्हान गरिएको छ ।

तुलसीपुरमा हप्ताको ३ दिनमा खाद्यान्न पसलहरु खोल्ने निर्णय

यता तुलसीपुरमा शनिवार बिहान भएको छलफल र विभिन्न निकायसंघको टेलिफोन सम्बादपछि स्थानीय प्रसासन,उपमहानगरपालिका र उद्योग बाणिज्य संघले तुलसीपुरमा सर्बसाधारणको स्वास्थ्य सुरक्षालाई मध्यनजर गर्दै हप्ताको ३ दिनमात्रै खाद्यान्न पसलहरु खोल्ने निर्णय गरेको तुलसीपुर उद्योग बाणिज्य संघका अध्यक्ष बिरबहादुर रावतले जानकारी दिए ।
अध्यक्ष रावतका अनुसार अबदेखि हप्तामा तिनदन आईतबार,मंगलबार र शुक्रबार बिहान ९ बजेसम्म मात्रै खाद्यान्न र अति आबश्यकका पसलहरु खोल्ने निर्णय गरेको हो ।

प्रतिक्रिया दिनुहोस
संबन्धित समाचार