तुलसीपुरमा बसले च्याप्दा एक महिलाको मृत्यु

तुलसीपुर , तुलसीपुरमा बसले च्याप्दा एक महिलाको मृत्यु भएको छ । तुलसीपुर उपमहानगरपालिका १४ भोजपुरवाट तुलसीपुर बजार आउँदै गरेको ना ४ ख ५४६३ नम्बरको यात्रुबहाक बसले बिहान पौने ९ बजेतिर च्याप्दा तुलसीपुर १४ भोजपुर निवासी ५५ बर्षीय शुसिला वलीको मृत्यु भएको प्रहरीले जनाएको छ ।

तुलसीपुर १५ मलवारमा भएको उक्त दुर्घटनामा गम्भीर घाईते भएकी वलीको उपचारको क्रममा राप्ती प्रादेशिक अस्पताल तुलसीपुरमा मृत्यु भएको ईलाका प्रहरी कार्यालय तुलसीपुरका प्रहरी निरीक्षक चक्रडमर पालले बताए । वली बसमा सवार थिईन् ।

बस नरोकिदै झर्दा उनलाई बसले च्यापेको उनले बताए । ठक्कर दिने बस र चालकलाई नियन्त्रणमा लिएको प्रहरीले जनाएको छ ।