तुलसीपुर , लमजुङमा ढुंगा खसेर लाग्दा दाङ तुलसीपुर निवासी एक युवाको मृत्यु भएको छ ।
तुलसीपुर उपमहानगरपालिका ६ स्याउली बजार निवासी निरञ्जन बस्यालको लमजुङमा माथिबाट झरेको ढुंगाले लागेर मृत्यु भएको पारिवारिक स्रोतले जानकारी दिएको छ ।
इञ्जिनियर बस्यालको लमजुङस्थित सुपर दोर्जे हाईड्रो पावरको सुरुङ निर्माणका लागि खटिएको समयमा माथिवाट झरेको ढुंगाले लागेर बुधवार राति निधन भएको लंमजुङ पुगेका आफन्ती संगित बस्यालले बताए ।
पोष्ट मार्टम गर्न लमजुङको बेसीशहर स्थित सामुदायिक अस्पतालमा विहीवार दिउँसो लगिएको र राती नै तुलसीपुर ल्याइने उनले बताए ।
बस्यालको अन्तिम दाहसंस्कार शुक्रवार विहान तुलसीपुरको सितलपुरस्थित बबई घाटमा गर्ने पारिवारिक स्रोतले जानकारी दिइएको छ ।
अनलाइन राप्तिको युटुब च्यानल (Online Rapti) सब्सक्राइब गर्नुहोस् । हामी वास्तवीक, जानकारीमूलक र रोचक भिडियोहरु राख्ने गर्छौ ।
प्रतिक्रिया दिनुहोस
