दाङमा विवाह मण्डपबाटै दुलाह र दुलहीका वुवा पक्राउ

दाङ, दाङमा विवाह मण्डपबाटै दुलाह र दुलहीका वुवालाई प्रहरीले पक्राउ गरेको छ । पक्राउ पर्नेमा घोराही उपमहानगरपालिका १३ सेवार निबासी दुलाह ३० बर्षका कृष्ण बहादुर केसी र घोराही उपमहानगरपालिका १४ ढोरेनी निबासी ४६ बर्षका बसन्त भण्डारी रहेको जिल्ला प्रहरी कार्यालय दाङका प्रवक्ता एवं डिएसपी सुमित खड्काले बताए । १८ बर्षीय केटीको वाल विवाह गरिदिन लागेको सूचनाका आधारमा बुधबार विहान १० बजेतिर उनीहरुलाई पक्राउ गरिएको हो । ढोरेनीमा बाल विवाह भईरहेको छ, भन्ने सूचनाको आधारमा गएको प्रहरी टोलीलले विवाह मण्डपबाट दुबै जनालाई पक्राउ गरेको जनाएको छ । पक्राउ परेका दुलाह र दुलहीका वावु विरुद्ध मुलुकी अपराध संहिता २०७४ को दफा १७३ लाई टेकेर बाल विवाह गर्न नहुने कसुरमा मुद्धा चलाएको प्रवक्ता खड्काले बताए । दुलहीलाई भने आमाको जिम्मा लगाइएको छ । नेपालको संविधानमा २० बर्ष नपुगी विवाह गर्न नपाईने कानुनी व्यवस्था छ ।