• २०७७ फाल्गुन १९ गते बुधवार

कोरोना भाइरस हावाबाट नभई ब्यक्तिबाट सर्छ : डा. खत्री

Author Logo..
अनलाइन राप्ती २०७६ फाल्गुन २३ गते शुक्रवार

तुलसीपुर, तुलसी हस्पिटलका प्रमुख एवं नवजात शिशु तथा बाल रोग विशेषज्ञ डाक्टर किशोर खत्रीले कोरोना भाइरसले हावाबाट सर्ने नभई मानिसहरुबाट सर्ने बताए । शुक्रबार एस.टि.एन च्यानलको समय र सन्दर्भमा कुराकानी गर्दै उनले यो रोग जनावरबाट मानिसलाई सरेको र अहिले मानिसबाट नै सरेर े संक्रमण बढ्दै गएको बताए ।

संक्रमित ब्यक्तिसंग स्वस्थ ब्यक्तिले हात मिलाउँदा, उसंग नजिक हुदाँ यो रोग सर्छ, उनले भने । नेपालमा अहिले सम्म चिनबाट आएका एक जना विद्यार्थीलाई देखिएको भएता पनि उनको उपचार भैसेको र अहिले नेपालमा कसैलाई नभेटिएको उनले बताए । त्यसैगरी उनले यो रोगको अहिले सम्म कुनै औषधी नभएको भएता पनि विरामीहरुको अवस्था कस्तो छ ।

त्यसै अनुसार उपचार गर्न सकिने बताए । यो रोगका लक्षण ३ प्रकारका हुन्छन्, धेरै ज्वरो आउनु, खोकी लाग्नु र श्वास प्रश्वास फेर्न गाह्रो भएका कोरोनाको लक्षण हुन सक्छ । त्यसैगरी उनले यो रोग लागेमा सय मा दुई प्रतिशत मात्र विरामीको मृत्यु हुने बताए । दिर्घरोगी, विरामीको रोगसंग लड्न सक्ने शक्ति नभएको भए त्यस्ता ब्यक्तिले समय मै उपचार नभए मृत्यु हुन सक्छ, उनले भने , तर सबैलाई रोग लागे मृत्यु हुदैन् ।

त्यसैगरी यो रोगको लक्षण १४ दिन सम्म देखिन नसक्ने भएकाले कुनै विरामीहरुलाई शंका लागेको उसले आईसुलेसन (सहायता) कक्षमा बसेर उपचार गर्नु पर्ने उनले बताए । त्यसैगरी यो रोग लागेमा फोक्सो, कलेजो, मृगौलामा असर गर्ने र अन्त्यमा मृत्यु हुने उनले बताए । त्यसैगरी उनले यो रोगबाट बच्नको लागी साबुन पानीले राम्रोसंग हात धुने, कसैलाई रुघाखोकी लागेको छ भने, त्यस्ता ब्यक्तिको नजिक नजाने, धेरै भिडभाडमा नजाने, बाहिरको खाना नखाने, माक्स लगाउने गरेमा रोगबाट बच्न सकिने बताए ।

त्यसैगरी उनले भाइरस धेरै तातोमा नबाच्ने भएकाले तातो झोल पदार्थ पिउने, ज्वरो आएमा ज्वरोको औषधी खानु पर्ने समेत बताए । त्यसैगरी उनले नेपाल यो भाइरसको उच्च जोखिम भएकाले सबै सचेत हुनु पर्ने बताए ।

चिनबाट शुरु भएको यो रोग भारतमा पनि देखिएकाले नेपालमा उच्च जोखिम छ, उनले भने , ‘तर हामीले त्यस्तो जोखिम भएको ठाउँमा जानु हुदैन् ।’ त्यसैगरी यो भाइरस ईनफेक्सन भएकाले आत्तिनु पर्ने अवस्था नरहेको समेत बताए ।

यसबाट आतंकित हुने पर्ने अवस्था नभएपनि साबधानी अपनाउनु पर्ने उनको भनाई थियो । त्यसैगरी उनले यस रोगको बारेमा आम नागरिकहरुलाई जानकारी दिन सके जोखिम कम हुने समेत बताए ।

प्रतिक्रिया दिनुहोस
संबन्धित समाचार