तुलसीपुर, शुक्रबारदेखी दाङका २० स्थानियतहमा पहिलो चरणमा शुरु भएको राष्ट्रिय अभियान अन्र्तगत दादुरा रुवेला तथा पोलियो खुवाउने अभियान शुरु भएको छ । फागुन १६ देखी २६ गते सम्म संचालन हुन अभियानमा तुलसीपुर उपहानगरपालिका, बंगलाचुली, दंगीशरण, शान्तिनगर र बबई गाउँपालिकामा यो अभियान शुरु भएको हो । त्यसैगरी शुक्रबार तुलसीपुर उपहानगरपालिकाका करिब ५ हजारलाई खोप लगाउनुका साथै पोलियो खुवाईएको तुलसीपुर जन स्वास्थ्य महाशाखाले जनाएको छ । शुक्रबार तुलसीपुरमा २८ वटा खोप केन्द्रबाट शुरुवात गरिएको थियो ।
४८सय ४३ बालबालिकाले खोप लगाएको र ५ हजार ७८ जना बालबालिकाले पोलियो खाएको जन स्वास्थ्य महाशाखाका जन स्वास्थ्य निरिक्षक विमल केसीले बताए । अभियानमा ३५ जना स्वास्थ्यकर्मी र ५६ स्वंमसेविकाहरु परिचालन भएका उनले बताए । त्यसैगरी शनिवार तुलसीपुरमा १९ केन्द्र्रबाट खोप दिन कार्यक्रम रहेको जनस्वास्थ्य निरिक्षक केसीले बताए ।
जस अन्र्तगत वडा नम्बर १ मा ढकाल पसल अगाडी, वडा नम्बर ३ मा प्रतापकोट, वडा नम्बर ५ मा राप्ती प्रादेशिक अस्पताल, वडा नम्बर ६ मा हात्तिखौवा चोक, सिप विकास, रामनगर, गौगी डाँडा, गोलौरा चौतारा, वडा नम्बर ७ मा जितपुर, वडा नम्बर ८ मा बटोलपुर, वडा नम्बर ९ मा शिवमन्दिर, वडा नम्बर १० पुकार पसल, वडा नम्बर ११ मा दिब्यज्योती स्कुल , वडा नम्बर १३ मा ढकना, वडा नम्बर १४ मा ड्वाङपुर, वडा नम्बर १६ मा मजगाउँ, वडा नम्बर १८ मा खोली गाउँमा खोप केन्द्रहरु रहेको केसीले बताए । दा
दुरा रुवेला विरुद्धको खोप बच्चा जन्मेको ९ महिनादेखि ५ वर्षमुनिका बालबालिकालाई लगाईन्छ, भने पोलियो खोप बच्चा जन्मेदेखि ५ वर्षसम्मका बालबालिकालाई खुवाईन्छ ।
अनलाइन राप्तिको युटुब च्यानल (Online Rapti) सब्सक्राइब गर्नुहोस् । हामी वास्तवीक, जानकारीमूलक र रोचक भिडियोहरु राख्ने गर्छौ ।
प्रतिक्रिया दिनुहोस
