त्रिशिद्धेश्वरी प्रालिको अधिवेशन उवासंघको सभाहल दोघरेमा हुने

शरद रेग्मी, तुलसीपुर, १४ फागुन । राप्ती अन्चल सार्वजनिक यातायात व्यवसायी समिति रुपान्तरीत त्रिशिद्धेश्वरी राप्ती यातायात सेवा प्रालिको प्रथम अधिवेशन तुलसीपुर उद्योग वाणिज्य संघको दोघरेमा निर्मित सभाहलमा हुने छ । यस अघि कार्यालय नजिकै अधिवेशन हुंदै आएपनि प्रतिकुल मौसमका कारण अधिवेशन सभाहलमा राखिएको प्रालिका अध्यक्ष शुरेश हमालले बताए । यहि १६ र १७ गते विहान ८ बजे अधिवेशन उद्घाटन हुने बताइएको छ ।

अधिवेशनलाइै सम्बोधन गर्न प्रमुख अतिथिका रुपमा नेपाल यातायात व्यवसायी राष्ट्रिय महासंघका अध्यक्ष योगेन्द्र नाथ कर्माचार्य सहितका यातायात व्यवसायी नेताहरु आउने भएका छन् । साथै अधिवेशनलार्इ जिल्लाका अन्य यातायात प्रालिका पदाधिकारीहरु, राजनितिक दलका प्रतिनिधिहरु, यातायात मज्दुर नेताहरु, जिल्लाका संघिय तथा प्रदेशसभा सदस्यहरु, स्थानिय तहका प्रमुखहरु लगायतले सम्वोधन गर्ने छन् ।

अधिवेशनले आगामि कार्य कालका लागी नयां नेतृत्व समेत चयन गर्ने छ । सो अवसरमा संचारकर्म लगायत दुर्घटना नगराउने ६ जना चालकहरुलार्इ सम्मान र पुरस्कार प्रदान गरीने छ ।