लक्ष्मण बस्नेत , फागुन ११ शान्तिनगर । शान्तिनगर गाउँपालिका स्तरिय दोस्रो तथा १२ औ रास्ट्रपति रनिङ शिल्ड प्रतियोगिता २०७६ को उपाधी मिडवस्ट प्वाईन्ट एकाडेमी खैरेनीले हात पारेको छ । शान्तिनगर गाउँपालिकाको आयोजना तथा बिपि कोईराला नमुना माबी बयाले सिमतराको संयोजनमा बयाले सिमतारा खेलमैदान सम्पन्न प्रतियोगितामा १५ स्वर्ण, ८ रजत र १ कास्य पदक हात पार्दै साबिक बिजेता मिड वयस्ट प्वाईन्ट एकाडेमीले उपाधी चुम्न सफल भएको हो ।
उपाधी संगै उसले लगातार दोस्रो पटक रनिङ शिल्ड उचाल्यो । त्यस्तै ५ स्वर्ण,७ रजत र २ कास्य पदक का साथ लोकप्रीय बिधा मन्दिरले दोस्रो स्थान हासिल गर्दा जनकल्याण मा.वि सिमसुन्दरपुर ५ स्वर्ण,३ रजत ९ कास्य पदक सहित तेस्रो र बिपि मा वि.बयाले ४ स्वर्ण,५ रजत र ५ कास्य का साथ सान्त्वना स्थान हासिल गरेको सचिवालय सदस्य खेम राज तिवारीले जानकारी दिए ।
फागुन ७गते देखी संचालित प्रतियोगितामा शान्तीनगर गाउँपालिकामा स्थापित निजि तथा सामुदायिक गरि १० विद्यालयको सहभागिता रहेको थियो ।
अनलाइन राप्तिको युटुब च्यानल (Online Rapti) सब्सक्राइब गर्नुहोस् । हामी वास्तवीक, जानकारीमूलक र रोचक भिडियोहरु राख्ने गर्छौ ।
प्रतिक्रिया दिनुहोस
