गाउँपालिका स्तरिय अध्यक्षकप जित्ने खेलाडिलाई सम्मान

तिर्थराज ज्ञवाली, देउखुरी दाङ, । दाङको राप्ती गाउँपालिका स्तरिय अध्यक्ष कप फुटवल प्रतियोतितामा पुरुष तथा महिला तर्फ प्रथम तथा द्धितियहुने खेल टोली लाई वडाहरुले स्वागत तथा सम्मान गरेको छ  । गत माघ २८ गते देखी सुरुभएको राप्ती गाउँपालिका स्तरिय अध्यक्ष कप फुटवल प्रतियोतितामा पुरुष तथा महिला तर्फ बिजयी वडा नं १, २ र ७ नं वडा का खेलाडिहरुलाई वडा कार्यालयहरुले छुट्टाछुट्टै कार्यक्रमको आयोजना गरि खेलाडिलाई सम्मान गरिएको हो । वडा नं १ मा तारा बहादुर डिसीको अध्यक्षतामा भएको खेलाडि सम्मान कार्यक्रममा राप्ती गाउँपालिका स्तरिय अध्यक्ष कप फुटवल प्रतियोतितामा महिला तर्फको फुटवल खेलमा प्रथमहुने वडा नं १ का महिला फुटवल खेलाडिहरुलाई स्वागत तथा सम्मान गरिएको हो ।

त्यस्तै वडा नं २ मा वडा अध्यक्ष जगत बहादुर थापाको अध्यक्षतामा भएको स्वागत तथा सम्मान कार्यक्रममा अध्यक्ष कप फुटवल प्रतियोतितामा पुरुष तर्फ प्रथम हुने विजयी टोलीका खेलाडि तथा महिला तर्फ द्धितिय हुने महिला खेलाडिहरुलाई सम्मान गरिएको छ । वडा नं २ का अध्यक्ष कप फुटवल प्रतियोगितामा प्रथम स्थान प्राप्त गर्ने पुरुष खेलाडि तथा महिला खेलाडिहरुलाई प्रोत्साहन स्वरुप खेल प्रेमी तथा वडा कार्यालयको तर्फवाट नगद समेत प्रदान गरिएको छ ।

अध्यक्ष कप फुटवल प्रतियोगितामा पुरुष खेल तर्फ द्धितिय स्थान प्राप्त गर्ने वडा नं ७ का खेलाडिहरुलाई वडा नं ७ ले एक कार्यक्रमको आयोजना गरि सम्मान तथा नगद सहित स्वागत गरेको छ । वडा अध्यक्ष विद्याशरण चौधरीको अध्यक्षतामा भएको स्वागत तथा सम्मान कार्यक्रममा खेलाडिहरुलाई आगामी दिनमा थप प्रोत्साहन थप्नका लागि वडाले तत्काल वडा स्तरिय खेलकुद कार्यक्रमको आयोजना गर्ने र खेल सामाग्री युवा क्लवहरुलाई प्रदान गर्ने वडा अध्यक्षले जानकारी दिए ।

स्वागत तथा सम्मान कार्यक्रममा वडा अध्यक्ष, वडा सदस्य भिमलाल चौधरी तथा वडा सचिवलगायतले खेलमा सहभागीहुने र विजयीहुने सम्पुर्ण वडाका खेलाडिहरुलाई धन्यवाद तथा शुभकामना ब्यक्त गरे ।