दाङको बंगलाचुली गाउँपालिकामा जनयुद्ध दिवसको अवसरमा सार्बजनिक बिदा

बंगलाचुली, दाङको बंगलाचुली गाउँपालिकाले आज विहिवार सार्बजनिक बिदा दिएको छ । जनयुद्ध दिवसका अबसरमा गाउँपालिकाले आज सार्बजनिक बिदा दिएको गाउँपालिकाका प्रेस संयोजक जिवन नेपालीले बताए ।

बंगलाचुली गाउँकार्यपालिकाको बैठकले फागुन १ गते सार्बजनिक बिदा दिने निर्णय गरेको हो । आज गाउँपालिका तथा पालिका अन्तर्गतका सरकारी कार्यालय, शिक्षण संस्थामा स्थानीय बिदा दिने निर्णय भएको संयोजक नेपालीले बताए । तत्कालिन नेकपा माओवादी नेतृत्वमा २०५२ साल फागुन १ गतेदेखि शुरू भएको १० बर्षे जनयुद्धको २५औं दिवस आज मनाइँदैछ ।