तिर्थराज ज्ञवाली, माघ २७, देउखुरी दाङ । दाङको राप्ती गाउँपालिमा पालिका स्तरीय राष्ट्रपति रनिङ शिल्ड खेलकूद तथा अध्यक्ष कप प्रतियोगिता मंगलवार देखी शुरु हुन लागेको छ । आर्थिक वर्ष २०७६÷७७ को स्वीकृत वाषर््िाक कार्यक्रम अनुसार राप्ती गाउँपालिकाको कार्यालयको आयोजनामा प्रतियोगिता २०७६ माघ २८ देखी फाल्गुण १ गते राप्ती गाउँपालिकाको ३ स्थीत सिरिचौरखेल मैदान र लालमटियाको टुडिखेलमा सञ्चालन हुने शिक्षा अधिकृत बासुदेव खनालले बताए ।
प्रतियोगितामा राप्ती गाउँपालिका अन्तरगतका सम्पूर्ण सामुदायिक तथा संस्थागत विद्यालयहरुका आधारभूत तथा माध्यामिक तहका विद्यार्थीहरुलाई सहभागी गराईने र अध्यक्ष कप प्रतियोगितामा वडा स्तरिय खेलाडि संमीलीत खेल हुने बताईएको छ । प्रतियोगितामा छात्र र छात्रा तर्फ अलगअलग भलिवल, कबड्डी, एथलेटिक्स, हाइजम्प, लङजम्प, त्रिपलजम्प, ज्याभलिङ थ्रो, सटफुट खेल समाबेस गरिएको र अध्यक्ष कप प्रतियोगितामा फुटवल खेल समाबेस गरिएको शिक्षा अधिकृत खनालले बताए ।
सोमवार राप्ती गाउँपालिका अध्यक्ष नुमानन्द सुवेदी,उपाध्यक्ष जगदम्वा कुमारी चौधरी तथा कार्यपालिका सदस्यहरुलाई राप्ती गाउँपालिका स्तरीय राष्ट्रपति रनिङ शिल्ड खेलकूद तथा अध्यक्ष कप प्रतियोगिताको हाल सम्मको पुर्ण तयारीको बारेमा जानकारी गराउदै शिक्षा, युवा तथा खेलकुद शाखा प्रमुख विश्वास विकले खेलमा विद्यालय तथा वडाका खेलाडिको उत्साहका साथ सहभागीता हुने बताए ।
अनलाइन राप्तिको युटुब च्यानल (Online Rapti) सब्सक्राइब गर्नुहोस् । हामी वास्तवीक, जानकारीमूलक र रोचक भिडियोहरु राख्ने गर्छौ ।
प्रतिक्रिया दिनुहोस
