तुलसीपुरमा जारी रास्ट्रपति रनिङ शिल्डमा गोरखा मा.वि. शिर्ष स्थानमा

लक्ष्मण बस्नेत , माघ २५ , तुलसीपुर । गोरखा माध्यामिक विद्यालय तुलसीपुरले शहिद स्मृति माध्यामिक विद्यालय बनकट्टिको खेलमैदानमा जारी तुलसीपुर उपमहानगरपालिका स्तरिय दोस्रो तथा १२ औ रास्ट्रपति रनिङ शिल्ड प्रतियोगिता २०७६ को शिर्ष स्थानमा उक्लिएको छ ।
तुलसीपुर उपमहानगरपालिकाको आयोजना तथा शहिद स्मृति आबासिय विद्यालय तुलसीपुर १७ बनकट्टीको संयोजनमा संचालित प्रतियोगिताको शनिवार सम्म सम्पन्न एथलेटिक्स तर्फका ट्रयाक एण्ड फिल्डमा ७ स्वर्ण,१ रजत र १ कास्य पदक हात पार्दै गोरखा मा.विले शिर्ष स्थान कायम राख्न सफल भएको हो ।
त्यस्तै ज्ञानज्योती सेकेण्डरी स्कुल तुलसिपुर ५ स्वर्ण,१ रजत र ४ कास्य पदक का साथ दोस्रो स्थान मा रहेको छ भने गुरुजजुर मा.वि. रक्षाचौर १ स्वर्ण,१ रजत र ३ कास्य पदक सहित तेस्रो स्थान मा छ । त्यस्तै महेन्द्र मा.वि. १ स्वर्ण, ३ कास्य, हिमाल एकाडेमी १ स्वर्ण , बालमितेरी मा.वि. भोजपुर १ स्वर्ण,पदक हात पार्न सफल भएको प्रतियोगिताका सचिवालय सदस्य बालकृष्ण शाहले जानकारी दिए ।

प्रतियोगिता अन्तरगत आईतबार भलिबल छात्रर छात्रा, कबड्डी छात्र रछात्रा सेमिफाइनल तथा फाईनल खेल हुने छ्न, भने एथलेटिक्स तर्फका ४०० मिटर, त्रिपलजम्प,हाईजम्प, ३००० मिटर र ४ गुणे १०० मिटर रिले दौड छात्ररछात्रा तर्फका खेल हुनेछ्न् । यसैबिच प्रतियोगिता को आईतबार नै समापन गरिने आयोजक विद्यालयले जानकारी दिएको छ । उसले प्रतियोगिता समापन समारोहमा उपस्थितीका खेलप्रेमी,खेलाडी, पत्रकार लगाएत सबैमा अनुरोध समेत गरेको छ ।