पत्रकार पौडेलमाथि भएको हातपात प्रति  महासंघ दाङ शाखालको गम्भीर ध्यानाकर्षण

 

तुलसीपुर , नेपाल पत्रकार महासंघ, दाङ शाखाका सहसचिव गोकर्ण पौडेल माथि हातपात भएको छ । पौडेलमाथि कुटपिट गर्ने बबई गाउँपालिका ५ हापुरे निवासी मोहन भण्डारी र सागर सुनारीलाई प्रहरीले आइतवार विहान पक्राउ गरेको छ । उनीहरुले पत्रकार पौडेलमाथि शनिवार हापुरे बजारमा कुटपीट गरेका थिए ।

रेडियो हापुरेबाट निस्केर कोठामा जाँदै गर्दा अनाहकमा एक्कासी आएर आफुमाथि कुटपीट गरेको पौडेलले बर्ता । पत्रकारमाथि भएको कुटपिटको घटना प्रति नेपाल पत्रकार महासंघ दाङ शाखाले आफ्नो गम्भीर ध्यानाकर्षण भएको जनाएको छ ।

संघका अध्यक्ष सविन प्रियासन र सचिव भूपेन्द्र वलीले आइतवार विज्ञप्ती जारी गरी प्रेस तथा अभिव्यक्ति स्वतन्त्रता विपरितका घटनाप्रति घोर निन्दा प्रकट गर्दै दोषीमाथी हदैसम्मको कानुनी कारबाही गर्न प्रशासनसँग माग गरेका छन् । घटनावारे बुझ्न पत्रकार महासंघको टोली आइतवार घटनास्थल हापुरे जाने लागेको हो ।