• २०७७ कार्तिक १५ गते शनिवार

सौडियारमा हात्तीपाईले रोग बिरुद्धको औषधी खुवाउने अभियान सफल बनाउन कार्ययोजना तयार

Author Logo..
२०७६ माघ २१ गते मङ्गलवार


दाङ, दाङको सौडियारमा हात्तीपाईले रोग बिरुद्धको औषधी खुवाउने अभियान सफल बनाउन कार्ययोजना तयार गरिएको छ । सौडियार स्वास्थ्य चौकीको आयोजनामा आज भएको सरोकारवालाको योजना तर्जुमा गोष्ठीले यही माघ २५ गतेदेखी सुरु हुने अभियान सफल बनाउन वडा स्तरिय कार्ययोजना बनाएको हो ।
घोराही उप महानगरपालिका वडा नम्वर ७ का वडा अध्यक्ष खोपीराम चौधरीको अध्यक्षतामा भएको कार्यक्रममा २५ गतेदेखी वडाका १४ वटा केन्द्रबाट औषधी खुवाउने र त्यसका लागि प्रचार प्रसार तथा केन्द्र व्यवस्थापन कार्य प्रभावकारी बनाउने योजना बनाएको छ । सन २०२० सम्म हात्तीपाईले रोग निवारण गर्ने उदेश्य सहित वडाका सवै छुट भएको नागरिकलाई औषधी खुवाउने लक्ष्य रहेको स्वास्थ्य चौकी सौडियारका इञ्चार्ज लाल बहादुर डाँगीले बताए ।
उनका अनुसार माघ २५,२६,२७,२८,२९ र फागुन १ गते टोल तथा घरघरमा पुगेर र त्यसपछि स्वास्थ्य चौकीबाटै औषधी खुवाईने छ । स्थानिय जनप्रतिनिधि,टोल बिकास संस्थाका प्रतिनिधि,बिभिन्न सामाजिक संघसंस्थाका प्रतिनिधि,बिद्यालयका प्रधानाध्यापक तथा स्वास्थ्यकर्मी सहभागी गोष्ठीमा सहभागीले अभियान सफल बनाउन सक्दो सहयोग गर्ने बताएका थिए ।

प्रतिक्रिया दिनुहोस
संबन्धित समाचार