पितृ शोकमा परेका पत्रकार पौडे्लको घरमा श्रद्धाञ्जली सभा

Author Logo..
२०७६ माघ १८ गते शनिवार

तुलसीपुर, पत्रकार वसन्त पौडे्लका पीता स्वर्गीय चन्द्रलाल पौडेलको स्मृतीमा शनिबार श्रद्धाञ्जली सभा गरिएको छ । ९ औं दिनको पुण्य तिथीमा नेपाल पत्रकार महासंघ दाङ,नेपाल प्रेस युनियन,प्रेस संगठन र प्रगतिशील पत्रकार संघको संयुक्त आयोजनमा उहाँको निवास तुलसीपुर उपमहानगरपालिका ४ हलवारमा श्रद्धाञ्जली सभा सम्पन्न भएको हो । महासंघ दाङका सचिव भुपेन्द्र वलीको अध्यक्षतामा भएको कार्यक्रममा वोल्ने वक्ताहरुले पौडे्लको निधनले गाँउ सिङगो समाज साथै पत्रकारिता क्षेत्रले एउटा अविभावक गुमाएको बताएका थिए ।
कार्यक्रममा नेपाल पत्रकार महाँसंघ दाङका सल्लाहकार दुर्गालाल केसी,नेपाल प्रेस युनियनका नि ः वर्तमान अध्यक्ष सुशील वस्नेत,प्रेस सेन्टरका केन्द्रिय सदस्य टिका वस्नेत,रेडियो हाम्रो पहुँच सञ्चालक समितिका अध्यक्ष शुक्रराज भण्डारी लगाएतकाले बोलेका थिए ।
कार्यक्रममा परिवारको तर्फबट धन्यवाद ज्ञापन स्वर्र्गीय पौडे्लका कान्छा छोरा वसन्त पौडेल र सहजिकरण नेपाल पत्रकार महाँसंघका सह सचिव गोकर्ण पौडेलले गरेका थिए। तुलसीपुर उपमहानगरपालिका ४ हलवार निवासी पौडेलको ७० वर्षको उमेरमा माघ १० गते निधन भएको थियो ।

प्रतिक्रिया दिनुहोस
संबन्धित समाचार