रूपन्देहीमा मोटरसाइकल दुर्घटनामा दुई जनाको मृत्यु

बुटवल, रूपन्देहीको सैनामैनास्थित रामापुर चोकमा भएको सवारी दुर्घटनामा दुई जनाको घटनास्थलमै मृत्यु भएको छ। लु ४२ प ७०९६ नम्बरको मोटरसाइकल अनियन्त्रित भई अर्को मोटरसाइकल, स्कुटर र साइकल यात्रीलाई ठक्कर दिएको थियो।

दुर्घटनामा मोटरसाइकलमा सवार सुदीप चौधरी र नविन चौधरीको घटनास्थलमै मृत्यु भएको इलाका प्रहरी कार्यालय बुटवलमा प्रमुख डिएसपी भीमलाल भट्टराईले जानकारी दिए। मृत्यु हुने युवा अन्दाजी २०/२१ वर्षका रहेको भट्टराईले जानकारी दिए। दुर्घटनामा अन्य १ जना गम्भीर घाइते छन्  ।