हरेक जातजातीको मौलिक संस्कृति संरक्षण गर्नु पर्छ : सांसद केसी

तुलसीपुर, थारु कला संस्कृति हमार पहिचान सांस्कतिक विकासक लाग हमार अभियान भन्ने नाराका साथ बुधवार तुलसीपुरमा माघ विशेष सांस्कृतिक कार्यक्रम सम्पन्न भएको छ । कार्यक्रमको उद्घाटन गदै संघिय सांसद हिराचन्द्र केसीले गरेका थिए । उद्घाटन गर्दै सांसद केसीले हरेक जातजातीको आ–आफनै मौलिक संस्कृति भएकाले यसलाई संरक्षण गर्नु पर्ने बताए ।

त्यसैगरी कार्यक्रममा बोल्दै तुलसीपुर उपमहानगरपालिकाका प्रमुख मेयर घनश्याम पाण्डेले तुलसीपुर उपमहानगरपालिकालाई सबै जातजाती, भेषभुषा, धर्म संस्कृतिको साझा पहिचानको रुपमा विकास गर्ने योजना रहेको बताए । त्यसैगरी उनले थारु समुदायको मौलिक संस्कृति र भाषा संरक्षणका लागी संघिय ,प्रदेश र स्थानिय सरकारले जोड दिदै आएको बताए ।

सो अवसरमा रिर्पोटस् क्लवका अध्यक्ष शरद रेग्मी , पत्रकार सरिता चौधरीलाई सम्मान गर्न गरिएको हो । त्यस्तैगरी थारु महटवा खिमलाल चौधरी, धिरेन चौधरी, गोवर्धन चौधरी, हरिराम चौधरी, कुसुमलाल चौधरीलाई दोसल्ला ओढाएर सम्मान गरिएको हो । त्यसैगरी तुलसीपुरमा थारुहरुको बहुआयामिक सभाहलको शिलान्यास गरिएको छ ।

तुलसीपुर ५ स्थित नमुना भुह्याँर थान परिसरमा निर्माण गरिने सभाहलको सांसद केसीले शिलान्यास गरेका थिए । सभाहल निर्माणका लागी सांसद विकास कोषबाट २० लाख बजेट विनियोजन गरेका छन् ।