• २०७७ कार्तिक १२ गते बुधवार

सुर्खेतमा टिपरले किच्दा एक जनाको मृत्यु भएपछि चर्कियो आन्दोलन

Author Logo..
२०७६ माघ १४ गते मङ्गलवार

                                                       साँझ ६:३० बजेदेखि भोलि बिहान ६ बजेसम्म कर्फ्यु

सुर्खेत , सुर्खेतको  वीरेन्द्रनगरमा टिपरले किच्दा एकजनाको मृत्यु भएपछि चर्किएको आन्दोलनले उग्ररूप लिएपछि जिल्ला प्रशसन कार्यालय सुर्खेतले ‘कर्फ्यु’ लगाएको छ।

सुर्खेतको वीरेन्द्रनगर बजार आसपासमा साँझ ६:३० बजेदेखि भोलि बिहान ६ बजेसम्म कर्फ्यु लगाएको हो। सुरक्षा बैठकपछि कर्फ्यु लगाउन निर्णय भएको हो। प्रशासनले पूर्वमा इत्राम खोला, पश्‍चिममा बाङ्गेसिमल, उत्तरमा कपासे ब्यारेकसम्म र दक्षिणमा रत्न राजमार्गको ५०० मिटरसम्मको क्षेत्रलाई कर्फ्यु लाग्‍ने क्षेत्र तोकेको छ।

यसबीच मृतकका आफन्तले चलाएको आन्दोलनका क्रममा प्रहरीले गोली चलाएको छ। कालीकोट महावै गाउँपालिका-३ सिमखेत घर भएका २० वर्षीय केशर सिंहको टिपरले किच्दा मंगलबार बिहान मृत्यु भएको थियो।

जिल्ला प्रहरी कार्यालय सुर्खेतका अनुसार आन्दोलनले उग्ररूप लिँदा प्रहरीले २ राउण्ड हवाइ फायर गरेको छ। साथै अज्ञात समूहले गोली चलाएको सुर्खेतका प्रहरी प्रमुख डिल्लीराज पन्तले बताए।

स्थानीयका अनुसार प्रहरीले गोली चलाउँदा जुम्लाका २५ वर्षीय महेश गौतम, दैलेखका १६ वर्षीय हिदेशकुमार शाही, दैलेखका १७ वर्षीय कृष्णबहादुर थापा, दैलेखकै १७ वर्षीय गोकुल गिरी, कालीकोटका कमान सिंहलगायत आठजना घाइते भएक प्रहरीले जनाएको छ।

प्रतिक्रिया दिनुहोस
संबन्धित समाचार