तुलसीपुर महोत्सवको दोस्रो दिन हजारौ दर्शकले अवलोकन गरे

Author Logo..
२०७६ माघ ११ गते शनिवार

                                             फोटो तथा भिडियो

तुलसीपुर, दाङको तुलसीपुरमा शुक्रबार देखी जारी तुलसीपुर महोत्सवको दोस्रो दिन हजारौँ दर्शकले अबलोकन गरेको आयोजकले जनाएको छ । तुलसीपुर ९ दोघरेमा निर्माणाधिन सभाहललाई पूर्णता दिने उदेश्यले तुलसीपुर उद्योग वाणिज्य संघले आयोजना गरेको महोत्सबमा शुक्रवार राष्ट्रिय तथा स्थानिय कलाकारहरुको प्रस्तुती रहेको थियो ।

तुलसीपुरमा विजुली चम्क्यो, के रैछ भन्या महोत्सव लागेर । राष्ट्रिय ख्याती कमाएका लोकदोहोरी गायक कृष्ण रेउलेको भाखाको गित थियो, शव्द भने उनको होइन । त्यसैमा नेपाली सिने क्षेत्रका महानायक राजेश हमालको प्रस्तुतीले तुलसीपुरलाई साझ सम्मै व्युझाएको थियो ।

रातो टिका निधारमा टलक्क टल्कियो, उनको यो गायनले युवादेखि बालवालिका र बृद्धबृद्धाहरुलाइ पनि आकर्षित गरेको थियो । त्यसैगरी तुलसीपुर कै चेली श्रीजु अधिकारी, दाङ कै कमल गाउंले लगाएतका कलाकारहरु प्रस्तुती राखेका थिए । महोत्सवको कार्यक्रम संचालन गर्नको लागी स्याङजाबाट उमादेवी खनाल पनि आइपुगेकि छन् । महोत्सवले आम दाङबासीलाई तानेको छ । कृषिका स्टलहरुदेखि व्यवसायिक स्टल कुनै पनि खालि थिएनन् ।


भरीभराउ स्टल, भरीभराउं दर्शकले तुलसीपुर महोत्सवको सफलता बोलिसकेको छ । च्याउका स्टल, वयर बोकाका स्टल, निशुल्क स्वास्थ्य शिविर र पुरन्धाराको छहरा सम्मको साईक्लिङ यात्राले पनि महोत्सवलाई नेपाल भ्रमण बर्षसंग जोडेको छ । ‘मर्निङ सो द डेज, हामीलाई महोत्सव सफल हुने देखिइसकेको छ,महोत्सव मुल आयोजक समितिका संयोजक विर बहादुर रावतले बताए ।

महोत्सव यहि माघ २० गते सम्म लाग्ने र ५ लाख दर्शकले अवलोक गर्ने र करिब १ करोड आर्थिक बचत गर्ने लक्ष्य लिएकोसंयोजक रावतले बताए । महोत्सवमा आईतवार केन्द्रिय कलाकारहरुमा चर्चित लोक दोहोरी गायक पुस्कल शर्मा, टिका सानु, मोडेल रश्मी तामाङ लगाएत स्थानिय कलाकारहरुको प्रस्तुती रहने आयोजकले जनाएको छ ।

प्रतिक्रिया दिनुहोस
संबन्धित समाचार