• २०७७ मङ्सिर ११ गते बिहिवार

प्रदेश स्तरिय एकल महिला संजाल संग अन्तरक्रिया

Author Logo..
२०७६ माघ ११ गते शनिवार

तिर्थराज ज्ञवाली, देउखुरी दाङ । प्रदेश ५ को सामाजिक विकास मन्त्रालयको आयोजनामा आयोजीत दुई दिने प्रदेश स्तरिय एकल महिला संजाल संग अन्तरक्रिया कार्यक्रम शनिवार देखी भालुवाङमा सुरु भएको छ । सामाजिक विकास मन्त्रालयका सचिव डा.गोपीकृष्ण खनालको अध्यक्षता, मन्त्रि सुदर्शन वरालको प्रमुख आथित्यता, राप्ती गाउँपालिका अध्यक्ष नुमानन्द सुवेदी उपाध्यक्ष जगदम्वा कुमारी चौधरीको विशिष्ट आथित्यतामा उद्घाटन गरिएको कार्यक्रममा ५ नं प्रदेशका १२ जिल्लाका एकल महिला संजालका अध्यक्ष एवं पदाधिकारीहरुको सहभागीता रहेको छ ।

दुई दिन सञ्चालन हुने कार्यक्रममा प्रदेशका निति तथा कार्यक्रम, योजनामा महिला, बालबालिका, जेष्ठ नागरिक तथा अपाङ्गता भएका ब्यक्तिहरुको संबोधनका विषय, नेपालमा एकल महिलाको अवस्था र एकल महिलाको अधिकार सम्वन्धि विद्यमान राष्ट्रिय तथा अन्तराट्रिय कानुनी ब्यवस्था, चुनौति, समस्या र संभावनाका बारेमा जानकारी तथा छलफल गरिने छ ।

अन्तरक्रिया कार्यक्रममा प्रदेशका ५ का १२ जिल्लामा एकल महिलाको क्षेत्रमा भए गरेको काम प्रगति र एकल महिलाको समस्याका विषयबस्तुको उठान गरिने कार्यक्रम रहेको छ । एकल महिलाको क्षेत्रमा विभिन्न कार्यक्रम तथा योजनाहरु सञ्चालन गर्ने उदेश्यका साथ आयोजना गरिएको प्रदेश स्तरिय एकल महिला संजाल संग अन्तरक्रिया कार्यक्रममा एकल महिलाका समस्या तथा चुनौति र आगामी दिनमा प्रदेश सरकार संगको आषा अपेक्षाका बारेमा मन्त्रि एवं सचिवलाई ज्ञापनपत्र समेत बुझाउने कार्यक्रम रहेको छ ।

दाङ, प्युठान, रोल्पा, रुुकुम, बाँके, बर्दिया, गुल्मी, अर्घाखाची, कपिलबस्तु, रुपन्देहि र पश्चिम नवलपरासी जिल्लाका एकल महिला संञ्जालका जिम्मेवार पदाधिकारीहरुको सहभागीता रहेको कार्यक्रम पश्चात आगामी दिनमा एकल महिलाको क्षेत्रमा प्रदेश ५ को सरकारले थप निति एवं कार्यक्रम ल्याउने कार्यक्रममा सहभागीहरुले आशा राखेका छन् ।

प्रतिक्रिया दिनुहोस
संबन्धित समाचार