• २०७७ कार्तिक ६ गते बिहिवार

चलचित्र पत्रकार संघ दाङको जिल्ला अध्यक्षमा पुन चयन

Author Logo..
२०७६ पुष २८ गते सोमवार

तुलसीपुर, चलचित्र पत्रकार संघ दाङको चौथो अधिबेसनबाट जिल्ला अध्यक्षमा शिव पुन सर्बसम्मतले चयन भएका छन् । संघको उपाध्यक्षमा सन्तोष केसी,सचिवमा पुर्ण केसी,सह–सचिवमा निरला अर्याल,कोषाध्यक्षमा तिर्थराज चौधरी सर्बसम्मतले चयन भएका छन् । अधिबेसनबाट भुपेस वली,मीना खड्का,राजेश खत्री र आशिष केसी सदस्यमा चयन भएको अधिबेसनका लागि चलचित्र पत्रकार संघको केन्द्रिय समितिबाट खटिनुभएका प्रतिनिधि दिनेश सिटौलाले बताए ।

चलचित्र बिकास वोर्डका पूर्ब अध्यक्ष डाक्टर अमर गिरीले चलचित्र विकासका लागि समयानुकल ऐन नियम हुन नसकेको बताए । सोमबार तुलसीपुरमा चलचित्र पत्रकार संघ दाङको चौथो अधिबेसनमलाई सम्बोधन गर्दै उनले २०२६ सालमा बनेको ऐन र २०५७ सालमा बनेको निमावलीले चलचित्र विकासमा काम भई रहेको बताए ।
उनले भने,राज्यले बिधेयक बनाई रहेको छ, पक्कै पनि बिगतको तुलनामा उक्त बिधेयक चलचित्र उद्योगको विकासमा टेवा पुग्ने छ । तर राज्यले नीति र नियम बनाएर मात्र नहुने भन्दै पूर्ब अध्यक्ष डा. गिरीले चलचित्र क्षेत्रलाई कर्म बनाएकाहरुले सृजनशीलतामा ध्यान दिनुपर्ने बताए ।

अहिलेको अबस्थामा बार्षिक सँवा सय चलचित्र निर्माण हुन्छन् तर ६÷७ वटा चलचित्र मात्र बढी लोकप्रिया हुने गरेको उनले बताए । त्यसैगरी कार्यक्रममा चलचित्र पत्रकार संघका केन्द्रीय संगठन बिभाग उपाध्यक्ष दिनेश सिटौलाले चलचित्र उद्योग मैत्री कानुनको अभावका कारण चलचित्रकर्मीहरु मर्कामा परेको बताए । उनले भने, ३ महिना भयो, नेपाली चलचित्रहरु बन्द भएका छन् । अब कार्यनीति अनुमोदन भयो, भने चलचित्र उद्योगले गतिलिने छ । सोही अवसरमा नेपाल पत्रकार महासंघका दाङमा अध्यक्ष सविन प्रियासनले चलचित्र उद्योगको बिकासका लागि स्थानीय सरकारसँग समन्वय गर्न सके प्रभाबकारी हुन सक्ने बताए ।

त्यसैगरी मानव अधिकार तथा शान्ति समाजका केन्द्रिय महासचिब सुशील बस्नेतले खालिखालि हुने गरेका सिनेमा हलमा दर्शकको संख्या बढाउन रणनीतिक योजना बनाउनु पर्ने बताए । त्यस अवसरमा देवलोचन पत्रकारिता पुरस्कारबाट चलचित्र पत्रकार संघ दाङका सचिब सन्तोष केसीलाई ११ हजार १ सय ११ रुपैयाले पुरस्कृत गरीएको थियो । चलचित्र पत्रकार संघ दाङमा २०६४ सालमा स्थापना गरीएको थियो ।

प्रतिक्रिया दिनुहोस
संबन्धित समाचार