सुस्त श्रवण भएका विद्यार्थीहरुलाई न्यानो कपडा

शरद रेग्मी , तुलसीपुर , पौष १५  । राप्ती बहिरा संघको होस्टलमा बस्दै आएका सुस्त श्रवण अपांगता भएका बिद्यार्थीहरुलाई मगलबार न्यानो कपडा बितरण गरिएको छ । जाडो मौसममा निकै कस्टकर जीवन बिताउदै आएका ६५ जना साना साना विद्यार्थीहरुलाई त्रिसिद्धेश्वरी राप्ती यातायात प्रालिले एक कार्यक्रमका बिच सुईटर बितरण गरेको छ ।

सो अबसरमा बोल्दै प्रालिका अध्यक्ष सुरेश हमालले आफुहरुले पटकपटक विभिन्न क्षेत्रमा सहयोग गर्दै आएको भन्दै सामाजिक उत्तरदायी बहन गर्ने सन्देशमा राप्ती बहिरा संघलाई सहयोग गरेको बताए ।

सो अबसरमा राप्ती बहिरा संघकि निर्देशक प्रतिमा शर्माले होस्टेल सञ्चालन गर्दा आफुहरुले विभिन्न समस्या भोग्नुपरेको भन्दै सबैलाई सहयोग गर्न अनुरोध समेत गरिन् । कार्यक्रमा त्रिसिद्धेश्वरी यातायात प्रालिका पदाधिकारी ,पत्रकार लगायतको उपस्थित रहेको थियोे ।