तुलसीपुरमा टिप्परले ठक्कर दिदाँ २ जना घाईते

तुलसीपुर, तुलसीपुरमा टिप्परले ठक्कर दिदाँ २ जना घाईते भएका छन् । तुलसीपुरबाट पश्चिम खैरीपुर तर्फ जादै गरेको लु १५ प १६१८ नम्वरको मोटरसाईकललाई विपरित दिशाबाट आउदै गरेको रा १ ख १९६४ नम्वरको टिप्परले गहतेखोला नजिकै मंगलवार बेलुकी साढे पाँच बजे ठक्कर दिदा तुलसीपुर २ खैरीपुर बस्ने मोटरसाईकल चालक २० जिवराज वली र उनका भाई १४ वर्षिय तिलक वली घाईते भएको प्रहरीले बताएको छ । जिवराजको टाउको ,हात र खुट्टामा चोट लागेको र अवस्था गम्भिर रहेको प्रहरीले बताएको छ
। यस्तै तिलकको हातमा चोट लागेको अवस्था मध्यम रहेको छ । दुवै जनाको राप्ती प्रादेशिक अस्पताल तुलसीपुरमा सामान्य उपचार पछि थप उपचारका लागी नेपालगन्ज रिफर गरिएको प्रहरीले बताएको छ । ठक्कर दिने चालक र टिप्परलाई प्रहरीले नियन्त्रणमा लिएको बताईएको छ ।