तुलसीपुर १२ मा प्रथम वडाध्यक्ष कप सुरु

तुलसीपुर, तुलसीपुर उपमाहानगरपालिका वडा न १२ मा प्रथम अध्यक्ष कप फुटबल प्रतियोगिता सुरु भएको छ । शान्ती युवा क्लब तुलसीपुर १२ को आयोजनामा संचालित प्रतियोगिताको उद््घाटन वडाध्यक्ष सुर्य बहादुर डागी (श्याम) ल गरेका हुन् । उद्घाटन समारोहलाई सम्वोधन गर्दै कार्यक्रमका प्रमुख अतिथी डाँगीले मानव स्वास्थ्यसंग प्रत्यक्ष जोडिएको खेलकुदको विकास विना देशको समृद्धी असम्भव रहको वताए ।
‘मानव समाज र अनुशासन को मुख्य मेरुदण्ड खेलकुद हो यसको विकास विना समृद्धी सम्भव छैन ’ उनले भने । खेलकुद क्षेत्रलाई स्थानीय तहले हेर्ने दृष्टीकोण फराकिलो वन्दै गएको भन्दै उनले खेल क्षेत्रमा प्रतिफल देखिन लागेको समेत वताए । ,‘खेलकुदको उर्वरभुमी दाङलाई खेलमय बनाउन अपेक्षाकृत लगानीको आवश्यकता पर्दछ’ उनले भने ।
आयोजक क्लब का अध्यक्ष कौशिक घर्ती को अध्यक्षतामा भएको कार्यक्रममा विशिष्ट अतिथि अमर नेपाली ले वडालाई खेलकुदको गन्तव्यका रुपमा विकास गर्नुपर्ने कुरामा जोड दिएका थिए । वडा सदस्य मान बहादुर केसीको स्वागतबाट सुरु भएको कार्यक्रमको संचालन नवीन वलीले गरेका थिए
३ दिनसम्म चल्ने प्रतियोगितामा वडा भित्र स्थापित ८ टोल बिकास सस्थाका टिमको सहभागिता रहेको छ । यसैबिच प्रतियोगितामा तुलसीपुर १२ लामिडाडा टोल बिकास सस्था कचिली ले बिजयी सुरुवात गरेको छ । उद्घाटन खेलमा आयोजक शान्ती युवा क्लब कचिला लाई ट्राईवेकरमा ४ का बिरुद्ध ५ गोल अन्तरले पराजित गर्दै लामिडाडा टोल ले बिजयी सुरुवात गरेको हो । निर्धारित समय सम्म एक÷एक को बराबरी भएपछि खेल टाईवेकरमा गएको थियो ।