दाङमा जिप दुर्घटना हुँदा एक युवतीको मृत्यु

तुलसीपुर , दाङमा जिप दुर्घटना हुँदा एक युवतीको मृत्यु भएको छ । दाङको तुलसीपुर देखि सल्यान जाँदै गरेको रा १ ज ८२२ नम्बरको जिप शुक्रबार दिउँसो सवा ३ बजेतिर तुलसीपुर ३ पैयाखोरेमा दुर्घटना हुदाँ कपुरकोट गाउँपालिका ४ गारापानीकी २० बर्षीय गिता बुढाथोकी को घट्नास्थलमा मृत्यु भएको ईलाका प्रहरी कार्यालय तुलसीपुरले जनाएको छ । दुर्घटनामा परि जिपमा सवार ६ जना घाइते भएको ईलाका प्रहरी कार्यालय तुलसीपुरका प्रहरी नायब उपरीक्षक हरिहर नाथ योगीले बताए । त्यसैगरी जिप चालक फरार भएकोले खोजी कार्य तिब्र पारिएको प्रहरीले जनाएको छ । घाईतेहरु उपचार राप्ती प्रादेशिक अस्पताल तुलसीपुर भैरहेको प्रहरीले जनाएको छ ।