जिप दुर्घटना हुँदा १४ जनाको घटनास्थलमै मृत्यु

गुल्मीबाट कुलपुजाको लागि बागलुङको देविस्थान जाँदै गरेको जिप बडिगाड गाउँपालिका–७ घोपर्नामा दुर्घटना हुँदा १४ जनाको घटनास्थलमै मृत्यु भएको छ । ग १ ज ५२१९ नम्बरको जिप मंगलबार बिहान १० बजे बडिगाड गाउँपालिका–७ घोपर्नामा दुर्घटना भएको हो । दुर्घटनामा चालकसहित १४ जनाको मृत्यु भएको इलाका प्रहरी कार्यालय बुर्तिबाङका प्रमुख सुरज खड्काले जनतासमाचारलाई जानकारी दिए।

जिपमा सवार १८ मध्ये ९ महिला, ४ पुरुष र एक बालकको घटनास्थलमै मृत्यु भएको छ ।दुर्घटनामा एक जना पुरुष, एक जना महिला र एक जना शिशु घाइते छन् । उनीहरुको बडिगाड पोलिक्ल्नीकमा उपचार भइरहेको छ भने, एकजना बेपत्ता भएको आशंका गरिएको छ । जिपमा १८ जना सवार थिए ।

यस्तै बागलुङ क्षेत्र नम्बर २ का सांसद देवेन्द्र पौडेलले जिप दुर्घटनाप्रति दुःख व्यक्त गरेका छन् । पौडेलले घटनाले मर्मा्हित बनाएको भन्दै मृतकलाप्रति श्रद्धाञ्जली व्यक्त गरे । साथै, परिवारजनामा समवेदना व्यक्त गर्दै घाइतेहरुको शीघ्र स्वास्थ्य लाभको कामना गरे।