• २०७७ फाल्गुन १२ गते बुधवार

घोराही उपमहानगर द्धारा जेष्ठ नागरिक स्वास्थ्य हेरचाह घरभेट कार्यक्रम सुरु

Author Logo..
२०७६ मङ्सिर २७ गते शुक्रवार

घोराही,दाङको घोराही उपमहानगरपालिकाले जेष्ठ नागरिकहरुको घरमै पुगेर स्वास्थ्य उपचार कार्यक्रम सुरु गरेको छ । उपमहानगरका १९ वटै वडाका जेष्ठ नागरिकहरुको घरमै पुगेर उपचार, औषधी बितरण, परामर्श गर्ने गरी जेष्ठ नागरिक स्वास्थ्य हेरचाह घरभेट कार्यक्रम सुरु गरेको उपमहानगरपालिकाले जनाएको छ ।

शुक्रवार वडा नम्बर ४ को गोग्ली स्थित शान्तिनगर टोलका ९१ बर्षिय मुमाकान्त आचार्य र उनकी श्रीमती ८४ बर्षिय भुमा आचार्यको घरमै पुगेर स्वास्थ्यकर्मीको टोली स्वास्थ्य जाँच गरेका छन् । स्वास्थ्यकर्मीहरु नारायण प्रसाद शर्मा, केशब धिताल सहितको टोली उनीहरुको स्वास्थ्य जाँच गरेका थिए । सरकारले जेष्ठ नागरिक भत्ता बृद्धि गर्दै लगेको र घरमै आएर स्वास्थ्य जाँच गर्दा आफुहरु निकै खुसी भएको मुमाकान्त आचार्यले बताए ।

यता उपमहानगरले जेष्ठ नागरिकहरुको सम्मानका लागि घरमै स्वास्थ्य जाँच गर्ने अभियानको सुरुवात गरेको उपमहानगरपालिकाका कार्यबहाक प्रमुख सीता सिग्देल न्यौपानेले बताईन् । उनले जेष्ठ नागरिकको सम्मानले मात्रै नयाँ पुस्ताले सामाजिक रुपान्तरणको कामलाई प्रभावकारी बनाउने बताईन् ।

उनले भनिन्, परिवारले समेत जेष्ठ नागरिकको सेवा सम्मान गर्नुपर्छ भन्ने सन्देश दिन पनि उपमहानगरले घरमै पुगेर स्वास्थ्य जाँचको कार्यक्रम ल्याएको हो । ५ वटा स्वास्थ्यकर्मीको टोलीले जेष्ठ नागरिकको घरमै पुगेर स्वास्थ्य जाँचको कार्यक्रम सुरु गरेको छ । चालु आर्थिक बर्षमा उक्त कार्यक्रम सञ्चालन र औषधी खरिदका लागि ५ लाख रुपैयाँ बजेट विनियोजन भएको उपमहानगरले जनाएको छ ।

प्रतिक्रिया दिनुहोस
संबन्धित समाचार