घोराही १६मा नेकपाको प्रचारप्रसार जारी

घोराही, आगामी मंसिर १४ गते हुन थालेको उपनिर्वाचनका लागि घोराही उपमहानगरपालिका वडा नं १६ मा नेपाल कम्युनिस्ट पार्टी (नेकपा) का उम्मेदवार सुरेश केसीले चुनावी प्रचार अभियान तीव्र पारेका छन् । अघिल्लो पटकको निर्वाचनमा कांग्रेसको उम्मेदवार भन्दा दुई गुणा बढी मत प्राप्त गरेको नेकपाले यस पटकको उपनिर्वाचनमा पनि दुई गुणा भन्दा धेरै मत ल्याउने दावी गरेको छ ।
घोराही १६ का तत्कालिन अध्यक्ष लच्छीनप्रसाद बुढामगरको निधन भएपछी रिक्त रहेको सो स्थानमा नेकपाले शुरेश केसीलाई सर्वसम्मत रुपमा अध्यक्ष बनाउने निर्णय गरेको छ । मत माग्दै जनताको घर दैलोमा उम्मेदवार केसीले वडाको समान विकासका लागि आफुले संघीय तथा प्रदेश सरकार र उपमहानगरपालिकाबाट सहजै बजेट तथा योजना लिने बताए । केसीले नेकपाको नेतृत्वमा मात्रै मुलुकले समृद्धि हासिल गर्न सक्ने भन्दै आम जनतालाई नेकपाको सुर्य चिन्हमा मतदान गर्न अपिल गरेका थिए ।
उनले आफ्नो उम्मेदवारी व्यक्तिगत मात्र नभएर सिंगो नेकपा र समग्र विकासप्रेमी जनसमुदायको तर्फबाट भएको स्पस्ट पार्दै जनता माझ भोट माग्दै हिडिरहेका छन् ।